Ditën e djeshme një 31-vjeçar vrau veten pas një mosmarrveshjeje me bashkëshorten e tij. Mësohet se Arian Hoxha, i shpallur në kërkim nga policia për dhunë në familje, fillimisht shkoi në shtëpinë e vjehrrit me një kallashnikov në dorë ku dhe pati një debat me ta.
Hoxha ka debatuar fillimisht me vjehrrën e më pas edhe me bashkëshorten, të cilën e ka dhunuar, por në momentin që ka parë policinë, ai është larguar duke i thirrur me zë të lartë bashkëshortes se nuk do ta shikonte më kurrë pasi do të vriste veten.
Vetëm pak minuta më pas, 31 vjeçari ka qëlluar veten rreth 150 metra larg banesës së vjehrrit./Opinion.al
