Gruaja e Alexei Navalny ka postuar një mesazh lamtumire për bashkëshortin e saj, teksa ai është varrosur në Moskë dy javë pas vdekjes në një burg të Rusisë.
Yulia Navalnaya, e cila sipas Sky News, nuk ka marrë pjesë në funeralin e burrit të saj pasi ndodhet jashtë Rusisë – falënderoi Navalny për “26 vitet e lumturisë absolute… edhe gjatë tre viteve të fundit”.
Në një mesazh që shoqëronte një video nga homazhet të postuar në rrjetin social X, ajo tha: “Për dashurinë, që më mbështete gjithmonë, që më bëre të qesh edhe nga burgu, për faktin që ke menduar gjithmonë për mua.
“Nuk di si të jetoj pa ty, por do të përpiqem të të bëj të lumtur dhe krenar për mua. Nuk e di nëse mund ta përballoj apo jo, por do të përpiqem”.
“Do takohemi patjetër një ditë. Kam shumë histori të pathëna për ty, dhe kam kaq shumë këngë të ruajtura për ty në telefonin tim, në përgjithësi janë qesharake të them të drejtën, këngë të tmerrshme, por janë ato që kanë të bëjnë me ne, dhe doja shumë që t’i dëgjoje. Më pas të qeshnim dhe të më përqafoje.
Të dua përgjithmonë. U prehsh ne paqe”-shkruan ajo.
