Enea Jorgji nuk do të arbitrojë në dy ndeshjet e radhës në kampionat. Gabimet në ndeshjen Tirana-Skënderbeu dhe sidomos penalltia e mos akorduar në favor të Tiranës ka bërë që gjyqtari i FIFA-s, të pezullohet nga sektori tekniko-gjykues në FSHF.
Kryesori i takimit të zhvilluar në kryeqytet për javën e 13-të të Superiores ka marrë vlerësim negativ për paraqitjen që ka zhvilluar në këtë takim.
Ky gjyqtar, me gjithë cilësitë e tij në gjykim dhe kualifikimet që e kanë bërë të marrë stemën e FIFA-s, është hera e tretë që dënohet gjatë këtij sezoni.
