Disa stomatologë në Francë kanë postuar foto të zhveshura në mediat sociale, në përpjekje për të tërhequr vëmendjen, për nevojat e tyre për pajisje mbrojtëse personale.
Me hashtagun #dentistesapoil, që do të thotë ‘dentistë të zhveshur’, ata kanë hequr rrobat, për të treguar se si ndihet kur kërkohet të punohet pa mbrojtje.
Në një video dhe postime që qarkullojnë në mediat sociale, dentistët po kërkojnë që qeveria franceze t’u sigurojë atyre maska përpara se të rihapin klinikat e tyre në 11 maj.
Lëvizja tashmë ka patur ndikim, me ministrinë franceze të shëndetësisë që ka garantuar katër maska në ditë për dentistët.
‘Ne e kuptojmë shqetësimin dhe zemërimin tuaj për këtë situatë,’- tha Serge Fournier, presidenti i rendit kombëtar të dentistëve në Francë, në një deklaratë, teksa njoftoi lajmin e maskave të premtuar nga ministria e shëndetësisë.
Julie Zerbib-Martin tha që ajo filloi lëvizjen me dy kolegë në prill: ‘Për fat të keq ne nuk kemi pajisje të mjaftueshme mbrojtëse për t’u rikthyer në punë’.
Paraqitja e zhveshur është një metaforë e të qënit të detyruar të punojmë ‘në një situatë delikate me pacientët tanë’, tha ajo. /Opinion.al
