Është ende pak herët për të parashikuar verën e vitit 2024 tashmë, por revista norvegjeze “NTB Kommunikasjon” ka treguar se kush do të jenë destinacionet kryesore për pushimet e ardhshme.
Sipas saj, më shumë vëmendje kanë marrë ishujt e vegjël grekë si Samos, Zakynthos dhe Kos. Kos në veçanti është popullor me një rritje prej 54%. Pra, duket se më shumë norvegjezë po parashikojnë të kalojnë pushimet e tyre verore në një ishull të vogël piktoresk grek këtë vit, thotë shefja e komunikimit e TUI Norvegjisë, Anne Mørk-Løwengreen.
Kishte shumë vëmendje për zjarret e pyjeve në pjesët juglindore të Rodosit vitin e kaluar, të cilat prekën rreth 12% të ishullit në verën e vitit 2023. Pavarësisht kësaj, Rodosi është ende destinacioni i dytë më i popullarizuar në mesin e norvegjezëve për verën e 2024 .
Revista norvegjeze rendit disa destinacione më të njohura për verën e vitit 2024, ku mes tyre renditet edhe vendin ynë.
Interesi për vendin tonë është rritur e ndoshta për shkak se Shqipëria është një vend ku udhëtarët norvegjezë do të përfitojnë më shumë për paratë e tyre për shkak edhe të kursit të këmbimit.
Gran Canaria
Majorka
Kreta
Shqipëria
Turqia
Qipron
Kroacia
Shqipëria hyn si një e re emocionuese, kjo ndoshta për shkak të fokusit në Shqipëri si një vend ku përfiton më shumë për paratë e tua, sepse monedha është e favorshme në krahasim me koronën norvegjeze.
“Ne pamë që interesi për Shqipërinë u rrit gjatë verës së këtij viti, dhe tani Shqipëria është në vendin e katërt për nga popullariteti në verën e 2024. Kështu që është kënaqësi ta shohësh”, thotë shefja e Unionit Ndërkombëtar të Turizmit në Norvegji, Anne Mørk-Løwengreen./Opinion.al
