Disa peshkatarë në Norvegji besojnë se kanë kapur një balenë të bardhë, e cila është stërvitur nga zyrtarë të Marinës ruse si pjesë e një programi që shfrytëzon gjitarët nënujorë si forca operacionale speciale spinazhi.
Peshkatarët vunë re se një balenë e bardhë, e quajtur beluga, që ishte e mbuluar me një mbrojtëse të veçantë endej rreth varkave të tyre të peshkimit në ujërat pranë fshatit të vogël norvegjez, Inga.
“Ishim duke hedhur rrjetat, kur pamë një balenë që notonte mes varkave. Po vinte drejt nesh dhe, sa më shumë afrohej, aq më shumë dallohej se kishte një lloj mbrojtëseje të veçantë”, tha njëri prej tyre për mediat norvegjeze.
Peshkatarët pohuan se balena shfaqi sjellje të çuditshme, pasi sillej rreth varkave dhe përpiqej të tërhiqte shiritat dhe litarët prej tyre, ndërsa dyshimet u shtuan edhe më nga fakti që balena mbante një mbrojtëse që dukej si “parzmore”, e cila dyshohet se ishte përshtatur për kamera dhe armë.
Ekspertë e Marinës norvegjeze ngritën dyshime serioze se gjitari ishte pjesë e strukturës ushtarake dhe se mund të ishte përdorur për spiunazh nënujor nga Rusia, pasi në brendësi të “parzmores” shkruheshin fjalët “pajisje e Shën Pjetërburgut”, ndërsa peshkatarët theksuan se balena dukej tejet e butë, sikur ishte mësuar me njerëzit.
Ndërkohë, Rusia ka hedhur poshtë pretendimet duke i quajtur akuza pa vlerë dhe baza./Opinion.al
