Pasi nuk u lejua të hyjë në seancën plenare, deputeti demokrat Flamur Noka iu është bashkuar protestuesve.
Ai po mban fjalën e tij para protestuesve të cilët janë mbledhur para Kuvendit.
Noka është shprehur se për të disatën herë nuk është lejuar të hyjnë në seancë, ndërsa ka shtuar se shqiptarët nuk mund të pranojnë një kryeministër që ka punuar për të zhdukur opozitën.
“Ne përfaqësuesit tuaj u ndaluam për të disatën herë për t’ju përfaqësuar. Edi Rama sot dhe gjithë këto ditë ka treguar se është në panik të tmerrshme. Ai i di mëkatet e tij ndaj paniku nuk e shpëton dot. Ai mendon se duke e kthyer parlamentin në një burg ku ruhet me roje për të mos lejuar deputetët mendon se do t’ja hedhë. I ka bërë llogaritë gabim. Edi Rama është i pashpresës, qytetarët nuk mund ta pranojnë për kryeministër, Mcgonigal, e ka vendin në burg edhe Rama. Shqiptarët e lirë nuk mund të pranojnë një kryeministër që nuk ka punuar për këtë vend, por për të zhdukur opozitën. Ai është kapur në korrupsion dhe shqiptarët s’mund të pranojnë një kryeministër të korruptuar”, tha Noka.
