Deputeti i PD, Flamur Noka ka hedhur akuza të forta ndaj kryetares së Kuvendit Lindita Nikolla, pas mos pranimit të rikthimit të Sali Berishën në grupin parlamentar të PD.
Gjatë debatit, Noka e ka quajtur Nikollën si përfaqësuese e narkoshtetit në Kuvend, ndërkohë që kryetarja e Parlamentit e ka cilësuar si ‘përfaqësuesin e një non grate”.
“Na keni kthyer në objekt diskutimi në Europë sepse Shqipëria sot prodhon destabilitet e trafik droge. Para e të nisin diskutimet, merr parasysh kërkesën e grupit të PD. Rregullorja përcakton qartë procedurën e hapat kur një deputet është anëtar i një grupi. Në një narko shtet ku keni mbase rregulla të tjera por për sa kohë ky vend quhet Republika e Shqipërisë, ne kemi një kushtetutë.
Je përfaqësuese dinjitoze e narkoregjimit, je fytyra e turpit të këtij Parlamentit. Berishën askush nuk e ndalon të jetë deputetet i Shqipërisë sa kohë është në listat dhe grupi ka përcjellë një listë ku janë të gjithë deputetët. Nuk ke asnjë autoritet mbi këtë grup”, tha ai.
