Deputeti i PD-së, Flamur Noka ka folur për mediat jashtë ambienteve të SPAK, teksa ka qenë në pritje të Sali Berishës së bashku me dhjetëra mbështetës.
Ai tha se hetimi ndaj ish-kryeministrit Sali Berisha është në shkelje të ligjit dhe Kushtetutës.
“A ka shqiptar që mund ta besojë se kjo ngrehinë këtu ka indidvidë që flasin në emer të Kushtetutës?! Ata medemek fshehin prova të paqena për opozitën. Është organizatë kriminale që nuk ka synim drejtësinë.”
Nga ana tjetër vijoi me akuzat ndaj kreut të SPAK Altin Dumani, i cili tha se është Koçi Xoxe i kohëve moderne.
“Je një pasardhës i Arianit Çelës dhe asgjë tjetër. Fundin do e kesh si Koçi Xoxe! Sali Berisha duhet të ishte i lirë me ligj e Kushtetutë. Altin Dumani nuk pyet për Kushtetutë, edhe urdhrin e parë të arrestit e dha në shkelje të Kushtetutës dhe vazhdon të veprojë ashtu. Është Koçi Xoxe i kohëve moderne dhe pas hekurave do shkojë vetë.”
