Dhunimi i të riut shkodran Florenc Beqiraj në burgun e Marsejës në Francë i cili ka rënë në gjendje kome ka tronditur mbarë opinion publik shqiptar.Shumë personazhe të njohur janë solidarizuar me këtë akt çnjerëzor dhe një nga ata që ka ngritur zërin më shumë, është Noizy.
Ai përveçse është tronditur tej mase nga kjo ngjarje ka dashur që të gjithë të tregohen humanë dhe teksa ka parë një titull lajmi, ai ka shpërndarë në rrjete sociale duke mbishkruar:
“Në burg nuk lejohet rripi dhe as lidhse këpucësh per të bërë vetë vrasje, une besoj se gardianët e burgut e kanë keqtrajtuar Florencin dhe duan ta mbyllin çështjen sa më para. Lutuni për Florencin, se vetëm lutja ka mbet #FlorencitMosTiaHeqinAparatin”
Por me anë të postimit të shumtë janë komentet, të cilat edhe kane shqetësuar reperin, i cili me shkrim kapital iu referohet në koment të gjithëve që të bëjnë të paktën një postim lidhur me këtë çështje.
“NUK DUA KOMENTE, JU LUTEM TE GJITHVE TE POSTONI PER KETE, BOLL ME JETEN FALLCO QE TREGONI NE INSTAGRAM SE ASNJI NUK I KA KUSHTET ASHTU SIÇ HIQET NE INSTAGRAM, MOS TIU VI KEQ PSE PO I PRISHNI PAK POSTIMET PERFEKTE QE KENI, JU LUTEM TE GJITHVE”,- shkruan Noizy i prekur, siç mund ta shihni dhe në foton më poshtë.
