Njihuni me qytetet më të shtrenjta për të jetuar në vitin 2016 

Nju Jorku dhe Los Anxhelosi  janë rritur në renditje, Londra është ngjitur në dhjetëshe, por Singapori vijon të mbetet qyteti më  i shtrenjtë në botë, sipas klasifikimit më të fundit të realizuar nga “Economist Intelligence Unit’s”.  Në vendin e dytë të klasifikimit qëndron Zyrihu në Zvicër, ndërsa  ndiqet nga Hong Kongu, i cili është ngjitur me shtatë pozicione në klasifikim në 12 muajt e fundit. Londra, Nju Jorku dhe Los Anxhelosi janë ngjitur përkatësisht në vendin e gjashtë, të shtatë dhe të tetë, ndërsa Nju Jorku shënon pozicionin e tij më të lartë prej vitit 2002.

Raporti i përvitshëm që klasifikon 133 qytete në bazë të një studimi të kryer 2 herë në vit, vë në dukje veçanërisht çmimet e larta të transportit, të cilat janë 2.7 herë më të larta se në Nju Jork.