Edhe pse futbollistët kudo në botë përfliten për shumë aventura dhe histori me femra, duket se ndonjëherë lojtarët e fushës janë ata që i japin më shpejt drejtim jetës së tyre, përsa i përket çështjeve të zemrës. Edhe pse të rinj në moshë disa prej tyre kanë krijuar familje e janë bërë me fëmijë, të tjerë janë fejuar, e të tjerë në lidhje të konsoliduara dashurie.
Në këtë shkrim ju tregojmë historitë e gjata të dashurisë së Hamdi Salihit, Elis Bakajt dhe Ansi Agollit. Lojtari 31 vjeçar nga Shkodra, Salihikaloi një periudhë kohe në distancë me të fejuarën e tij Rosela, me të cilën tani kanë një vajzë. Ajo u konsiderua nga mediat si “hajmalia fatsjellëse” për karrierën e shkodranit, i cili aktualisht luan si sulmues me skuadrën e Hapoel Ironi Acre dhe me kombëtaren shqiptare. Pseudonimi i tij është The Bomber (Bomberi), që i është vënë nga ish–trajneri i kombëtares shqiptare, Otto Barić, i cili gjithashtu e ka krahasuar me legjendën gjermane Gerd Muller.
Salihi njihet si një lojtar golashënues në Shqipëri e Austri. Përsa i përket Kombëtarës ai është konsideruar si golashënuesi më i mirë i kombëtares shqiptare. Edhe pse lidhja e tij me Roselën ishte një histori e bukur, Salihi preferoi ta mbante larg medias jetën e tij private. Madje tifozët u çuditën kur para një viti ndërsa ishte i ftuar në programin “Proçesi Sportiv”, Salihi foli për herë të parë në ekran, për familjen dhe vajzën e tyre. Elis Bakaj është një tjetër futbollist që së fundi është komentuar për të fejuarën e tij, e cila sipas mediave izraelite u bë shkak për rikthimin e tij në Tiranë. E fejuara e tij është një modele rumune, të cilën e njohu, në kohën kur luante në Rumani.
Sulmuesi i cili e mbylli sezonin e shkuar me brdheblutë dhe në merkaton e verës u transferua në Izrael te Hapoel Ranana, ndërpreu papritur kontratën me klubin izraelit duke vendosur të kthehet sërish në Shqipëri te 24 herë kampionët e vendit. Një tjetër futbollist tjetër që ka një lidhje të konsoliduar është Ansi Agolli, i cili aktualisht po bën karrierë në Baku (Azerjbaxhan). Ai ka një lidhje tetë vjeçare me Rean, vajza nga Tirana që ndjek studimet në Shtetet e Bashkuara të Amerikës. Të dashuruarit postojnë shumë foto pushimesh në rrjetet sociale duke kaluar ditë të bukura bashkë të përmalluar, pasi po jetojnë lidhje në distancë. Çifti u fejua para pesë vitesh, ndërsa kanë bërë plane edhe për martesë./ Story.al
