Një oficer i sigurimit të shtetit, në kohën e diktaturës, ishte ngarkuar vetëm për “haremet” e Shkupolës. Ai, sipas një rrëfimi të Fritz Radovanit, u zgjidhte femrat e bukura Enver Hoxhës, Mehmeht Shehut e Kadri Hazbiut. Ishin femra të burgosura që me vendimin e sigurimsit duhet të kalonin netët me krerët e kupolës komuniste.
Fritz Radovani ka treguar për gazetën Panorama se sigurismi quhet Hilmi Seiti. “Enver Hoxha, Mehmet Shehu, Kadri Hazbiu e sa katilë të tjerë nuk e kishin sjellë pa u mendue mirë se kush u duhej atyne në Shkodër.
U duhej Hilmi terroristi, që kishte dhanë prova besnikërije ndaj Partisë me kohë në labirintet e Ministrisë së Brendshme, që atëherë kur Koci Xoxe me shokë e dërgonin te burgu i femrave për me zgjedhë ato rrezikzeza me të cilat këta amoral kalonin natën në pallatet e tyre luksoze”, rrëfen shkrimtari Fritz Radovani, i cili ka qenë i persekutuar politik nën regjimin diktatorial të Enver Hoxhës.
