Klodjana Kuqi është 28 vjeçe nga Peqini me banim në Elbasan. Ajo është vënë në pranga nga policia e Elbasanit, pas një hetimi disamujor që kishte nisur ndaj saj, pasi dyshohet se ka mashtruar me dhjetëra njerëz duke u marrë shuma nga 500 deri në 2 mijë euro për një vend pune imagjinar në shtet…
Në njoftimin e saj policia thotë se “në finalizim të operacionit policor të koduar “Koordinatorja”, Specialistët e Sektorit për Krimin Ekonomik dhe Financiar, në Drejtorinë Vendore të Policisë Elbasan vunë në pranga 28-vjeçaren K.K. Ndalimi i saj, u bë pasi Gjykata e Rrethit Gjyqësor Elbasan, me vendim penal më datë 14.07.2017, ka caktuar masën e sigurisë “Arrest në burg” për veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Mashtrimi”.
Policia e kishte nën hetim 28-vjeçaren duke marrë shkas nga denoncimet e bëra nga qytetarë të ndryshëm, të cilët kanë paguar shuma të ndryshme në euro dhe nuk janë punësuar. Denoncuesit kanë deklaruar se “Klodjana u thoshte se kishte njohje me drejtues të ndryshëm institucionesh dhe se do t’i punësonte pas marrjes së parave”.
Pasi merrte paratë Kuqi nuk u përgjigjej thirrjeve të tyre në telefon, ndaj i janë drejtuar policisë. Zyrtarisht, policia thotë se “kjo shtetase, dyshohet të ketë mashtruar shumë persona, pasi duke u prezantuar si koordinatore e një shoqate dhe pasi merrte kontakt me njerëz të ndryshëm dyshohet t’u ketë marrë 500 – 2000 Euro në këmbim të një vendi pune në administratën shtetërore”.
Këtë aktivitet të paligjshëm, dyshohet ta ketë ushtruar në periudhën maj 2016 – mars 2017”. Pasi ka vërtetuar akuzat e marra nga denoncuesit dhe pas një hetimi 1-vjeçar, Gjykata ka dhënë masën e sigurisë arrest me burg për 28-vjeçaren.
Ndërkohë, në momentin e ndalimit nga Policia e Elbasanit, Klodjana Kuqi nuk ka pranuar akuzat e sipër përmendura duke pohuar se ndalimi i saj nuk bazohet në fakte. Nga burime pranë policisë mësohet se, ajo u premtonte personave që ka mashtruar se do t’u siguronte një vend pune në institucione si: Instituti i Sigurimeve Shoqërore, Posta Shqiptare apo edhe Drejtoria e Tatim-Taksave.
Ndër të tjera, 28-vjeçarja i siguronte se ajo njihte drejtuesit e këtyre institucioneve publike. Kuqi në zgjedhjet lokale të vitit 2015, ishte pjesë e listës së kandidatëve për këshilltare të Bashkisë Elbasan nën siglën e Partisë Socialiste.
Në profilin e saj në rrjetet sociale, ka postuar dhe një foto me Ministren e Integrimit, Klajda Gjosha, ku pretendon se ka qenë pjesë e delegacionit të ministrisë në një vizitë zyrtare në Spanjë.
Denoncimi në media i një gruaja që ka rënë viktimë e Klodjana Kuqit
Prill 2017
Dua t’i çjerr maskën një mashtrueseje nga Elbasani, sepse ajo mashtron njerëz të ndryshëm, nën hijen e prindërve arsimtar, të cilët janë ata që e kanë mësuar vajzën e tyre të mashtrojë pafund vajza dhe djem. Quhet Klodjana Kuqi dhe është 28 vjeçe. Ajo vepron bashkë me një Laureta Shadini dhe me jë tip që na kërcënonte ne. Ai që dëgjuar në incizim është ai që bënte si shefi i Interpolit por më pas e zbuluam se ishte një taksixhi me emrin Beqir Gj. Ajo ka bërë shumë poshtërsi dhe s’e kuptoj pse vazhdon akoma të jetë në gjendje të lirë. Kur e denoncoi ai djali para 5 ditësh u procedua prapë në gjendje të lirë. Ajo i mashtron njerëzit duke publikuar foto në fb me personalitete si psh ministren e arsimit, zonjën e parë etj. Edhe një mike tjetër e imja është mashtruar nga kjo…
