Deputeti i PSsë, Koço Kokëdhima, apo siç së fundmi etikohet në media si “komisari i jugut” përvec angazhimit në politikë dhe biznes, ka edhe një pasion të fshehur të tij; koleksionin e artefakteve, pavarësisht se ai më së shumti e quan investim sesa thjesht pasion.
Mbrëmë në emisionin “Të paekspozuarit” në Ora News, Kokëdhima tregoi për publikun një pjesë të koleksionit të tij.
Medalje të dhëna nga shtetarët shqiptarë që nga Princ Vidi, Ahmet Zogu e deri te Enver Hoxha janë pjesë e koleksionit të tij privat.
Shtëpia i ngjan deri diku edhe një muzeu antik me piktura, skulptura, shpata, jataganë e armë të vjetra, shkruan lapsi.al.
Një pjesë e tyre janë të vjetra mijëra vjet.
Kokëdhima thotë se i ka ndodhur që një objekt ta ketë ndjekur për vite të tëra derisa ta ketë marrë.
Mes koleksionit të tij është edhe një telefon prodhim rus i vitit 1947 që i ishte dhuruar Enver Hoxhës. Kokëdhima thotë se deri në vitin 1972 atë telefon e ka përdorur Enver Hoxha.
