Një ngjarje e rëndë është shënuar në një park në Londër e cila bëri bujë mediatike vetëm ditën e martë. Mësohet se një 38-vjeçar, i quajtur Marvyn Iheanacho ka masakruar për vdekje djalin e të dashurës së tij, pasi ky i fundit i humbi një nga veglat e palestrës. Alex Malcolm vetëm 5-vjeç gjeti vdekjen më 20 nëntor të vitit të shkuar në mënyrën më tragjike të mundshme.
Sipas policisë, njerku ka qenë nën hetim të vazhdueshëm, por ngjarja u bë publike vetëm pasi u siguruan të gjithë provat e mjaftueshme. Mësohet se ditën kur ndodhi ngjarja ata po qendronin në park kur vogëlushi duke luajtur humbi padashje një nga veglat e njerkut të tij. Pavarësisht ndjesës së djalit, njerku ka ushtruar dhunë në mënyrë barbare, deri sa i mori jetën 5- vjeçarit.
