Duket se çdo gjë ka marrë fund për Fergie dhe Josh Duhame. Pas 8 vitesh martesë, dyshja ka bërë publike lajmin e divorcit.
“Me dashurinë dhe respektin më të madh ju njoftojmë se kemi vendosur të ndahemi si çift që në fillim të këtij viti. Për t’i dhënë familjes tonë një mundësi, zgjodhëm ta mbanim private dhe vetëm tani menduam se ishte momenti i duhur.”- ka thënë këngëtarja për E!News. Por gjithsesi, ish-çifti ka pranuar se do të gjenden gjithnjë pranë njëri-tjetrit.
Ish-pjestarja e “The Black Eyed Peas”, gjithnjë e ka shprehur hapur dashurinë për partnerin e saj dhe në rrjete sociale, por duket se në jetën e vërtetë gjithçka funksionon ndryshe. Ky është divorci i dytë që shokon Hollywood-in, që pas ndarjes së aktorëve Chris Pratt dhe Anna Faris.
