Nga ora në orë, vijojnë të dalin detaje në lidhje me rrëmbimin dhe më pas vrasjen e 49-vjeçarit Jan Prenga. Prej dy ditësh policia e shtetit, ndihmuar dhe nga forcat speciale RENEA kanë zgjeruar hartën e kërkimit për të gjetur trupin e 49-vjeçarit, ndërsa në lojë janë grupe të fuqishme kriminale që i lidh vetëm një qëllim: trafiku i kokainës në Britaninë e Madhe.
LEXO EDHE- Pengmarrja dhe vrasja e Jan Prengës, Policia: Gjenden prova të reja
49-vjeçari që u rrëmbye më datë 17 janar në rrugën “London” në Kamzë, pas futjes në makinë ai është rrahur dhe goditur, ku si pasojë e goditjeve të marra ka ndërruar jetë gjatë Këtë të enjte RENEA ka zhvilluar një operacion në Shkodër, ku janë shoqëruar dy persona të familjes Doçi të dyshuar si të përfshirë.
Ndërkaq, një nga personat e shpallur në kërkim është edhe një biznesmen me mbiemrin Doçi. Jan Prenga nuk kishte lidhje të drejtpërdrejtë me autorët, por shkak ka qenë konflikti i vëllait të tij në Angli për një ngarkesë lëndë narkotike. Madje nga përgjimet e policisë rezulton së i vëllai ka komunikuar me familjarët, ku u kërkon të mos kenë kontakte me policinë dhe se Jani është mirë.
Po ashtu burime nga grupi hetimor qe po merren me zbardhjen e ngjarjes se rrëmbimit, familjarët e viktimës kanë dërguar më herët një pajtues gjaqesh në Shkodër.
Kjo është bërë për të folur me familjen Doçi që të lirohej Jan Prenga dhe duke dhëne siguri se do kthehej kokaina e grabitur. Në përgjime rezulton se G.Doçi ka folur me Astrit Prengën ku e kërcënuar në lidhje me te vëllain.
Sipas burimeve i gjithë rrjeti i trafikut drejtohet nga burgu i Ekuadorit aty ku është i ndaluar që prej vitit 2014 personi nga Vlora me inicialet D.R. Në bazë të përgjimeve të kryera nga autoritetet britanike por dhe ato shqiptare për zbardhjen e kësaj ngjarje ka dalë edhe telefonata nga burgu i Ekuadorit.
HETIMET
Policia prangosi një tjetër të dyshuar të mërkurën për rrëmbimin dhe vrasjen e Jan Prengës, duke e çuar në 5 numrin e të arrestuarve, ndërsa janë shpallur në kërkim edhe 5 persona të tjerë. Në filmime shihet se të dyshuarit dalin nga resorti me trupin e viktimës të mbështjellë me qese. Njëri prej tyre mban një lopatë në dorë, ndërsa trupi i viktimës futet në një furgon të bardhë.
Mjeti është sekuestruar dhe gjendet në laboratorin e Policisë Shkencore, ku pritet të zbulohen prova që mund t’i shërbejnë hetimeve. Përveç këtyre provave, policia me vendim të gjykatës ka ushtruar kontroll në banesën e Jan Prengës, pak ditë pas rrëmbimit. Në këtë kohë ka vendosur edhe një përgjues ambiental, ku dëgjohet një bisedë telefonike mes vëllait të viktimës dhe familjarëve dhe disa biseda të tjera në shtëpi, në të cilat ata tregojnë se Jan Prenga ishte marrë peng dhe ndodhej në Shijak.
Vëllai i 49-vjeçarit të rrëmbyer u ka kërkuar që mos flasin me policinë për këtë problem. Policia vijon ndërkohe kërkimet për trupin e viktimës, por të arrestuarit nuk kanë bashkëpunuar dhe kanë mohuar akuzat.
Kush janë personat që kërkohen:
Altin Hajri- personi që dyshohet se krijoi grupi për rrëmbimin e 49-vjeçarit.
M. Bajri, personazh me dritë-hije të forta në botën e krimit, nga Shkodra, i akuzuar për trafik droge nga Ekuadori në vendet e BE.
Gentian Doçi , është i skeduar nga autoritetet e vendeve të BE dhe konsiderohet si njeriu kyç që urdhëroi rrëmbimi i Jan Prengës, përderisa vëllai i këtij të fundit arriti të nxirret nga porti britanik një sasi të madhe kokaine, por nuk e dorëzoi në destinacion.
Korado. G., nga Shkodra, i përfshirë më herët në aktivitet kriminal në vendet e BE, por edhe në Shqipëri i skeduar. Ky mendohet të jetë personi që ka bërë rolin e ndërmjetësit, duke çuar mesazhin për marrjen peng të Prengës.
Dritan Rexhepi, nga Vlora, personazhi më i fuqishëm i botës së krimit në Vlorë. Më 2014, është arrestuar me 240 kg kokainë në Ekuador, më herët ishte akuzuar për përfshirje në vepra kriminale në Shqipëri./ Opinion.al
