Pas vendimit të Gjykatës së Posaçme për të lënë Ilir Metën në burg, Monika Kryemadhi e cila ka masaën e sigurisë detyrim paraqitje, ka deklaruar se çështjen e tyre do e çojë edhe në gjykatat jashtë vendit.
Para ambienteve të SPAK, Kryemadhi tha për gazetarët se do i drejtohet edhe Gjykatës së Strasburgut, edhe pse më parë duhen ezauruar të gjitha procedurat gjyqësore në vendin tonë.
Monika Kryemadhi: Karriera politike nuk është e dosmosdoshme, e kam parë si instrument për të ndihmuar njerëzit, është mjet i rëndë për t’u mbajtur, metodologjia që është përdorur kundër familjes sime është e shëmtuar. Uroj që kjo gjë të mos jetë për të tjerët, sot në politikë ke kushërinj të bandave kriminale. Është shumë e thjeshtë, mund të mbyllësh karrierën politikë, por mund të hapësh një tjetër që është shumë e mirë dhe që e transformon politikën. Nuk mund të lejoj një sistem drejtësie të më bëjë pis mua. Do shkoj edhe në Strasburg, kur t’i vijë koha, jo kur të vdes unë. I kam edhe tre trashëgimtar.
