Në krye të Federatës së Futbollit të Maqedonisë së Veriut, për herë të parë në histori është zgjedhur një shqiptar. Muhamed Sejdini, ia ka dalë që të triumfojë në zgjedhjet për presidencën e Federatës duke marrë 82 vota.
Në zgjedhjet e zhvilluara në Ohër nga 96 delegatë që numëron gjithsej federata, 90-të ishin prezentë, dhe 82 votuan “Pro” zgjedhjes së Sejdinit, i cili ishte kandidati i vetëm në listë.
Sejdini në këtë post do të zëvendësojë Ilco Gjorgjioskin i cili vitin e kaluar u tërhoq nga kreu i FFM-së, ndërsa Sejdini ka mbajtur postin e zëvendës presidentit të këtij institucioni në pesë vitet e fundit./Opinion.al
