Marija Djordjevic është vetëm 18 vjeç, por tepër e talentuar pas tenisit dhe shumë shpejt mund të shndërrohet në shtetasen e parë serbe që do të përfaqësojë Kosvën në fushën e tenisit.
Vendimi nëse tenistja nga Graçanica do të përfqësojë ngjyrat verdhekaltër do të merret nga babai i saj, i cili do t’ia japë Federatës së Tenisit të Kosovës (FTK) përgjigjen definitive.
Drejtuesit e tenisit kosovar janë të vetëdijshëm se frika dhe paragjykimet e serbëve në vend mund ta detyrojnë 17- vjeçaren t’i thotë “Jo” Kosovës.
“Ne kemi biseduar me Marijan dhe ajo e ka shprehur gatishmërinë për të luajtur për Kosovën. Mirëpo, ka thënë se duhet të konsultohet me babanë e saj dhe shumë shpejt do ta marrim një përgjigje nga ajo”, thotë Shkëlzen Domi, kryetar i FTKsë.
Marija, e ka mundësi të vetme për të luajtur në “Fed Cup” përmes Kosovës, pasi me Serbinë një gjë të tillë e ka praktikisht të pamundshme.
