Një restorant kinez në Itali është akuzuar se ka shërbyer këmbë njeriu në vend të mishit të ariut.
Ky pretendim, ka ardhur pas një fotografie të bërë nga kamarieri në kuzhinën e restorantit, e cila u publikua më pas në rrjetet sociale.
Foto e publikuar, ka një ngjashmëri të habitshme të një këmbe njeriu, të vendosur në një enë plastike të kaltër.
E gjithë kjo histori lindi, pasi një slloven shkoi me miqtë e tij për të darkuar në një restorant në Padova, në Italinë Veriore dhe kërkoi një delikatesë kineze me putra ariu.
Kamarieri, emri i të cilit nuk u publikua nga mediat, pretendon se fotografia e publikuar në rrjetet sociale i përket pikërisht “putrave të ariut”, që më vonë iu shërbye sllovenit dhe miqve të tij në restorant.
Por, historia nuk ka mbaruar vetëm me kaq. Një italian, pasi ka vënë re foton e nxjerrë nga kamarieri në rrjetet sociale ka vendosur të lajmërojë policinë. Kjo e fundit, pas verifikimit në restorant, ka konstatuar vërtetë mish me origjinë të dyshimtë.
