Gjykata në Kosovë ka dhënë 30 ditë paraburgim për deputetët e Vetëvendosje Albin Kurtin, Albulena Haxhiun, Donika Kada-Bujupin. Lajmi bëhet i ditur nga kreu i VV-së, Visar Ymeri, i cili me anë të një postimi në facebook shkruan: “Prapë Klani Pronto me shokë e paterica. Persekutimi është i drejtuar kundër VETËVENDOSJE!”.
Kurti u arrestua me forcë në hyrje të Kuvendit të Kosovës paraditen e sotme.
Albin Kurti, Albulena Haxhiu dhe Donika Kadaj Bujupi akuzohen për hedhje gazi lotsjellës në Kuvendin e Kosovës dhe pengim të personit zyrtar në kryerje të detyrës zyrtare.
