Ish-kryetarja e Komunës Gjegjan, Lumturie Hoxha është arrestuar nga policia. 52-vjeçarja ishte shpallur në kërkim pasi mbi të rëndojnë dy akuza: Falsifikim dokumentesh dhe shpërdorim detyre.
Me arrestimin e saj shkon në 4 numri i të arrestuarve, pasi prokuroria zbuloi një skandal të kësaj njësie administrative.
Sipas organit të akuzës Lumturie Hoxha në bashkëpunim me Ylli Ago, Bardhyr Sharra, Fatmir Lamçja dhe Rexhep Hoxhën kanë përvetësuar rreth 35 milionë lekë për dy projekte që nuk u realizuar asnjëherë.
Ata kryer veprime fiktive duke përvetësuar tërësisht shumë e parave të caktuara për ndërtimin e një landfilli mbeturinash në zonë, si edhe të pyllëzimit të një sipërfaqe 50 hektarë me pemë shegë.
Hetimet kanë treguar se nga ish-komuna Gjegjan është prokuruar fondi 1.250.000 lekë për ndërtimin e landifillit të mbeturinave në këtë zonë, në vitin 2014. Ky punim duhej të mbyllej brenda vitit. Aktualisht, nga veprimet hetimore të Prokurorisë, rezulton se landifilli jo vetëm që nuk është ndërtuar, por e gjithë zona është e rrethuar dhe përdoret nga një subjekt privat. Ndërkohë, në dokumentet e ish-
komunës Gjegjan dhe aktualisht Njësia Administrative Gjegjan, rezulton që landfilli është përfunduar dhe vënë në punë. Për këtë prokurim fiktiv është bërë edhe pagesa, pavarësisht se puna nuk është kryer.
Po në vitin 2014, ish-komuna Gjegjan ka realizuar prokurimin publik për pyllëzimin të 50 hektarë tokë bujqësore me pemën Shegë, me vlerë 32.5 milionë lekë të reja. Sipas parashikimit, pemët këtë vit duhej të nisnin të jepnin prodhimet e para.
Ndërkohë, nga këqyrja në terren, rezulton se në hapësirën bujqësore të prokuruar, nuk rezulton thuajse asnjë pemë shegë. Po për këtë prokurim, shuma e parashikuar rezulton e paguar e gjitha
