Politikani shqiptaro-malazez, Dritan Abazoviç, është kërcënuar me jetë. Lajmi është bërë i ditur nga drejtori ekzekutiv i Koalicionit “URA”, Zoran Mikić .
Në një konference për mediat, Mikić deklaroi se një klan mafioz ka kërcënuar me jetë Abazoviçin dhe familjen e tij duke paralajmëruar krerët e Policisë së Shtetit se do të jenë përgjegjës nëse i ndodh diçka atij.
“Nëse i ndodh diçka atij apo familjes së tij, atëherë përgjegjës do të jetë kreu i Policisë së Shtetit, Veselin Veljović”, tha Mikić në një konferencë të jashtëzakonshme për shtyp.
“Ne nuk duam të krijojmë alarm, të akuzojmë dikë direkt apo të bëjmë ndonjërin target, por duam të informojmë publikun për çfarë po ndodh”, shtoi ai.
Dritan Abazoviç dhe partia e tij “Ura” janë kyçe për përcaktimin e qeverisë në Malin e Zi. Ai është radhitur në krah të partive anti-Gjukanoviç, megjithatë negociatat mes anëtarëve të koalicionit vijojnë./Opinion.al
