Na ndajnë edhe pak ditë nga Festivali I 54-t në RadioTelevizion. Një nga këngët që pritet të shfaqë interes në këtë edicion është edhe “Engjëll i lirë”, që i kushtohet voglushit sirian Aylan Kurdi, i cili humbi jetën në brigjet e e Turqisë, ndërsa historia e tij tronditi gjithë botën.
Kompozitori i këngës është Endri Shani, ndërsa kënga do të këndohet nga këngëtarja Sigi Bastri.
“Këtë këngë ia kam kushtuar djalit të vogël sirian, AylanKurdi. Jam prekur aq shumë emocionalisht sa që këtë dhimbje e shpreha me nota…dhe këtyre notave i dhanë jetë fjalët e Silvi Bastriut që u konkretizua me një super tekst”, është shprehur kompozitori.
