Një konflikt i armatosur mes disa personave i ka kushtuar jetën një djali të ri në Tropojë. Krimi ka ndodhur mesnatën e kaluar në fshatin Cërnicë.
Në lokalin e fshatit janë konfliktuar disa persona, ku si pasojë e konfliktit Henerik Niklekaj, banues në fshatin Cërnicë, dyshohet se ka qëlluar me armë zjarri automatiku, drejt personave me të cilët është konfliktuar.
Për pasojë ka mbetur i vrarë 25-vjeçari Ardit Mrishaj dhe i plagosur Florian Qehaja, 29 vjeç, banues në fshatin Cërnicë. Aktualisht po punohet për kapjen e autorit të dyshuar si dhe për zbardhjen e rrethanave të ngjarjes. I dyshuari si autor i kësaj ngjarje kishte pak kohë që kishte dalë nga burgu.
