Një person i armatosur vrau tre persona me ngjyrë në një sulm për motive racore dhe më pas vrau veten në Jacksonville, Florida, tha sherifi i qytetit.
Burri, i përshkruar si i bardhë dhe në fillim të të 20-ave, hyri në një dyqan Dollar General dhe hapi zjarr, duke shkaktuar një përplasje me policinë.
Sherifi T K Waters tha se dy burra dhe një grua u vranë nga personi i armatosur.
Kryebashkiaku Donna Deegan u shpreh se bëhet fjalë për një “krim i mbushur me urrejtje” i nxitur nga racizmi.
Sherifi theksoi se vrasësi – i cili ende nuk është identifikuar zyrtarisht – mbante një pushkë të lehtë gjysmë automatike dhe një pistoletë.
Autori jetote në kontenë Clay të Jacksonville me prindërit e tij dhe la disa mesazhe për qëllimet e tij, tha Sherif Waters, duke përfshirë një për prindërit e tij dhe një tjetër për mediat. Sherifi shtoi se të paktën një nga armët kishte një svastikë të vizatuar në të.
“Autori synonte njerëzit në bazë të racës së tyre, kjo është krejtësisht e papranueshme,” tha zoti DeSantis, i cili po konkurron për të qenë kandidati presidencial i Partisë Republikane.
“Ky djalosh vrau veten në vend që të përballej me drejtësinë dhe të pranonte përgjegjësinë për veprimet e tij.”
Shtëpia e Bardhë tha se presidenti Joe Biden ishte informuar për të shtënat.
