Angazhimi i saj i fundit është “Gjeniu i Vogël”. Pas festivalit të fundvitit në Televizionin Publik Shqiptar, këngëtaren nuk e rishohim në skenë por në karrigen e gjyqtares. Një kapërcim nga zërat që e kanë krijuar një karrierë muzikore, tek ata që e ëndërrojnë. Për Jehona Sopin, karrigia e kuqe e “Gjeniut të Vogël” është si një magnet që tërheq brishtësinë me të cilin duhet t’i gjykosh fëmijët.
Të qenurit në këtë spektakël, për të cilin Jehona thotë se ndjekësit në Kosovë janë të shumtë, nuk është vetëm ajo jo – ja apo po – ja për garuesin. Shkëmbimin kulturor që institucioneve të kulturës u duhet ta kalojnë në sitën e strategjive, për Jehonën po e bëjnë spektaklet.
Ndërveprimi me artistët e ka udhëhequr edhe në karrierë, që me të qeshur e pranon, se e bija, Aria, vazhdon ta mbajë larg skenës së këngës. Për tu kthyer te bashkëpunimet dhe për të rikujtuar Jehonën si këngetare, i fundit është me Estma Redzepova, “Çaje Sukarije”. Rikthimi në skenë!
/Tv Klan
