TIRANË– “Merrni legalizimet, shkoni protestoni për regjimin komunist që ra para 25 vitesh”. Kështu u shpreh, Kryeministri Edi Rama pasditen e sotme i gjendur mes banorëve të Kamzës. Ai ka shpërndarë tapi për shtëpitë e reja ndërtuar në këtë zonë dhe që kanë qenë prej vitesh në proçes legalizimi.
Fjalimi i Kryeministrit u shoqërua me batuta, kryesisht për paraardhësin e tij Sali Berisha. Ai u dha qytetarëve të pranishëm se ishte i sigurt se kanë votuar PD vazhdimisht edhe pse kjo forcë politike nuk ua legalizoi kurrë shtëpitë.
Rama i ka pyetur qytetarët një për një për kohën kur kanë aplikuar, duke nxjerr në pah faktin se ky proces është vonuar prej vitesh. Ndërsa për protestën e nesërme, ai tha “e di që do dilni në protestë nesër, por të paktën të merrni edhe këto leje që të jeni të legalizuar”.
