Një burrë nga Singapori ka pranuar në një gjykatë federale në SHBA se ka punuar si agjent i Kinës.
Jun Wei Yeo ishte akuzuar për përdorimin e këshillimit të tij politik në Amerikë si një front për të mbledhur informacione për inteligjencën kineze, thonë zyrtarët amerikanë.
Jun Wei Yeo, i njohur gjithashtu si Dickson Yeo, pranoi të premten para gjykatës se kishte punuar si një agjent i infiltruar i qeverisë kineze gjatë viteve 2015-19, tha Departamenti i Drejtësisë i SHBA në një deklaratë.
Ai u akuzua për përdorimin e këshillimit të tij politik në vend, si një front për të mbledhur informacion të vlefshëm, jo publik për inteligjencën kineze.
Ai pranoi merrte informacion nga persona me leje sigurie të nivelit të lartë dhe i bënte ata të shkruajnë raporte për klientët e rremë.
Yeo u arrestua pasi fluturoi për në SHBA në vitin 2019.
Në një rast tjetër, autoritetet në SHBA thanë se kishin arrestuar një studiuese kineze e akuzuar për fshehjen e lidhjeve të saj me ushtrinë e Kinës.
Kina më herët urdhëroi mbylljen e konsullatës amerikane në Chengdu.
Masa për të mbyllur misionin diplomatik në qytetin jug-perëndimor ishte si përgjigje e mbylljes së konsullatës amerikane të Kinës në Houston.
Sekretari i Shtetit Amerikan Mike Pompeo tha se vendimi ishte marrë sepse Kina po “vidhte” pronën intelektuale.
Zëdhënësi i Ministrisë së Jashtme kineze Wang Wenbin u përgjigj duke thënë se masa e SHBA ishte e bazuar në “gënjeshtrat anti-kineze”.
Tensionet janë rritur midis dy fuqive bërthamore për disa çështje kryesore.
Administrata e Presidentit Donald Trump është përplasur në mënyrë të përsëritur me Pekinin mbi tregtinë dhe pandeminë e koronavirusit, si dhe imponimin e Kinës për një ligj të ri të sigurisë në Hong Kong. /Opinion.al
