Një automjet ka shpërthyer në një urë që lidh SHBA-në dhe Kanadanë pranë Ujëvarës së Niagarës, ka informuar FBI-së.
Ngjarja ka ndodhur në Urën Rainbow një ditë para festës së Falenderimeve në SHBA, një nga ditët më të ngarkuara të udhëtimeve në vit.
“Meqenëse kjo situatë është e rrjedhshme, kjo është gjithçka që mund të themi në këtë moment,” tha FBI në një deklaratë.
Sipas qytetit të Niagara Falls, incidenti përfshinte një automjet që po “hynte” në SHBA.
Të gjitha vendkalimet aktualisht janë të mbyllura deri në një njoftim të dytë, thonë zyrtarët.
Guvernatorja e Nju Jorkut Kathy Hochul gjithashtu konfirmoi se kishte pasur një incident dhe tha se ajo ishte informuar nga forcat e zbatimit të ligjit.
“Agjencitë shtetërore janë në vend dhe të gatshme për të ndihmuar,” postoi ajo në platformën “X”.
“Unë po udhëtoj për në Buffalo për t’u takuar me organet e zbatimit të ligjit dhe reaguesit e urgjencës dhe do të përditësoj banorët e Nju Jorkut kur të ketë më shumë informacione,” shtoi ajo.
Ura lidh Ontarion me Nju Jorkun dhe lidh qytetet e Niagara Falls, SHBA me Niagara Falls, Kanada.
