TIRANE-Opinion.al ka zbardhur një bisedë të shkurtër pa mikrofonë në një aktivitet zyrtar në Presidencë ku ishte edhe ministri Arben Ahmetaj.
Bëhet fjalë për pritjen e Presidentes së Maltës, Marie-Louise Coleiro Preca nga Presidenti ynë Bujar Nishani.
Në pritjen zyrtare si dhe gjatë nënshkrimit të memorandumit të bashkëpunimit ishte edhe Arben Ahmetaj në cilësinë e ministrit të Ekonomisë, pasi marrëveshjet kishin në bazë marrdhëniet ekonomike.
Presidenti Nishani i ka prezantuar homologes së Maltës, gjithë të pranishmit, mes tyre edhe Arben Ahmetajn. Burime të besuara, të pranishme në këtë ceremoni thanë për Opinion.al se Nishani e ka prezantuar egzatësisht kështu: “Arben Ahmetaj, ministër i Ekonomisë, tani edhe i Financave”.
Ky detaj vjen në vëmendje për faktin se pikërisht sot Nishani vendosi të dekretojë vendimin e Ramës për të shkarkuar Ahmetajn nga ministër i Ekonomisë por nuk ka firmosur ende dekretin për emërimin e tij tek Fincancat. Po kështu Nishani ka dekretuar shkarkimin e Canin, por jo emërimin e Milva Ikonomit. /Opinion.al/
Foto: Nga ceremonia për pritjen e presidentes së Maltës, ku merr pjesë dhe Ahmetaj
