Presidenti i Republikës pohoi sot në një konferencë për mediat se reforma në sistemin e drejtësisë është një domosdoshmëri pa alternativë.
Ai deklaroi se kjo reformë do të largojë të paaftët dhe të korruptuarit dhe se qytetarët presin që politikanët e korruptuar të dalin para ligjit sa më shpejt.
“Kam parë edhe kam këmbëngulur që procesi të përfundonte me konsensusin e të gjitha palëve. I kam vlerësuar të gjitha palët që ofruan kompromis dhe konsensus. Zbatimi i kësaj reforme afatgjatë dhe duhet të mbahet larg nga beteja politike. Ky proces do të sjellë një konsolidim më të madh të trupës gjyqësore dhe njerëzve profesionistë që janë brenda këtyre trupave. Do të shmangë dhe do të largojë të paaftët dhe të korruptuarit.”-tha presidenti.
Nishani shtoi se “ajo që duam dhe që duan shqiptarët është që të shohim sa më parë para ligjit politikanë e korruptuar dhe sekuestrimin e pasurive të tyre”.
“Këtë e duan shqiptarët. Presidenti i angazhuar për të denoncuar shmangien nga kushtetuta dhe integritetit ashtu edhe i denoncimit të rasteve të korrupsionit dhe inkriminimit”, u shpreh Nishani.
