Presidenti Bujar Nishani ka dekoruar me titullin “Mjeshtër i Madh”, deputetin e Partisë Socialiste të Shkodrës, Paulin Stërkaj, për kontributin e tij në sportin e mundjes. Deputeti i Shkodrës ka qenë mundës i Partizanit.
Dekorata është dhënë më datë 24 mars, me motivacionin: “Për veprimtarinë ndër vite si sportist dhe trajner i nivelit të lartë në sportin e mundjes me një kontribut të madh në rritjen e cilësisë sportive në vendin tonë; si kampion e fitues i medaljeve në veprimtarinë kombëtare e ndërkombëtare me klubin “Vllaznia” dhe ekipin përfaqësues kombëtar”.
