Zhduket pas hipjes në traget drejt Italisë një vajzë 22-vjecare. Denoncimi është bërë nga familja e saj, e cila pas alarmit për humbje të kontakteve me të ka kërkuar ndihmën e policisë, duke bërë denoncimin.
Policia e Durrësit bën me dije se specialistët për Krimet në Komisariatin e Policisë Durrës po punojnë për gjetjen e shtetases A.Ll. 22 vjeçe, banuese në Shenavlash, Durrës.
“Më datë 11.11.2016, ora 13:30 ka bërë kallëzim babai i saj, shtetasi M.Ll. 51 vjeç, pasi më datë 08.11.2016 e ka përcjellë vetë në Portin e Durrësit për në Itali dhe që nga ajo ditë nuk ka dijeni për vendndodhjen e saj”- njofton policia.
Materialet i kaluan Prokurorisë së Rrethit Gjyqësor Durrës për veprime të mëtejshme.
