Ministrja e Shëndetësisë, Ogerta Manastirliu, ka njoftuar sot se Shqipëria ka siguruar vaksinat kundër gripit sezonal.
“Ky program këtë vit nis më herët se çdo vit, si rezultat i masave të marra nga qeveria, pjesë e strategjisë vjeshtë-dimër për përballimin e situatës, për të siguruar vaksinimin jo vetëm në kohën e duhur por edhe disa herë më shumë se viti i kaluar.”, shkruan në rrjete sociale Manastirliu, e cila ishte këtë të mërkurë në Poliklinikën Qendrore në Tiranë, ku ka parë nga afër nisjen e procesit të vaksinimit kundër virozave sezonale.
Më tej, Manastriliu sqaron se vaksina do të jetë falas dhe të parët do e marrin grupet e riskuara.
” 368 mijë doza vaksine janë siguruar tashmë nga Ministria e Shëndetësisë dhe Mbrojtjes Sociale dhe do të jenë në dispozicion të grupeve më të rrezikuara, duke filluar nga personeli shëndetësor.”, shton Manastirliu./ Opinion.al
