Ditën e sotme në orën 19:00, në aksin rrugor Thumanë-Kashar do të nis qarkullimi i automjeteve.
Kryeministri Edi Rama nëpërmjet një postimi në rrjetet sociale ka ndarë pamjet se si duket ky aks, ndërsa shkruan se ky aks do t’i shërbejë zhvillimit të mëtejshëm të turizmit.
“Mirëmëngjes dhe me këtë fluturim mbi Thumanë-Kashar për të shijuar atë që është ndërtuar në tokë, një aks rrugor që na shërben të gjithëve dhe zhvillimit të mëtejshëm të turizmit duke qenë i aksesueshëm për të gjithë nga sot prej orës 19:00, ju uroj të diel të mbarë”, shkruan Rama në Facebook.
Linku i videos:
https://www.facebook.com/reel/2711953182315730
Thumanë-Kashar është i aks i kategorisë A, ku shpejtësia e lëvizjes do të jetë 130 kilometra në orë, duke ofruar gjithashtu kushte të larta sigurie.
Kalimi në këtë rrugë do të jetë me pagesë, vlera e të cilës do varet nga lloji i mjetit, por që nuk do të jetë më poshtë se 2.1 euro.
