Kreu i Grupit Parlamentar të Partisë Demokratike, Gazment Bardhi, nga foltorja e Kuvendit ka mbajtur fjalën e tij
gjatë seancës së sotme plenare e cila shënon nisjen e sesionit të tetë parlamentar.
Bardhi tha se në 12 vite qeverisje mazhoranca ka dështuar, pasi sipas tij nuk ka arritur që të hartojë një reformë të drejtë zgjedhore.
Sipas Bardhit, ky është sesioni i fundit që Partia Socialiste është mazhorancë në Kuvend.
“Ju kishit detyrimin t’i uronit suksese presidentit Trump që merr detyrën sot. Është në detyrën tonë t’i urojmë suksese dhe të mos na kishit harxhuar kohë me presidentin tuaj të Republikës. Na kishte lënë dy faqe aty. Ai është sekretari jot Taulant. Na bënte thirrje ne të respektonim standardet për zgjedhje të lira dhe të ndershme, nëse do kishte interes të vinte ta jepte këtu këtë mesazh. Ka ardhur vetëm kur e keni sjellë ju për veshi. Nëse do ishte interesuar për zgjedhje të lira dhe të ndershme ka një letër nga opozita që jep fakte e prova sesi grupi diplomatik është duke u përdorur nga qeveria në ndihmë të aktiviteteve politike.
Do duhet ti kishit kërkuar ndjesë qytetarëve që në 12 vite nuk arritët kurrë të bënit një referomë. Ne si kuvend kemi dështuar të mos reflektojmë asnjë nga rekomandimet e OSBE ODIHR. Ne jemi duke parë si shteti dhe partia janë shkrirë në një. Sa për votën e diasporës, ai vendim i marrë nga Kuvendi ishte reflektim i një vendimi i gjykatës Kushtetuese që detyronte Kuvendin e Shqipërisë ta votonit të drejtën e kuvendit për të votuar. Sa për prioritetet e një kuvendi të ri europian. Ne kemi parë policinë e shtetit të dhunojë deputetët”, u shpreh Bardhi.
