TIRANE- Opozita ka marrë fjalën e para në nisje të seancës plenare të kësaj të enjtje. Kreu i grupit Paloka theksoi se opozita nuk do të bllokojë punimet e Kuvendit, pasi amendamentet e saj u futën në kalendarin 3javor, por theksoi se deputetët e PD së nuk do të qëndrojnë në seancë, deri kur siç tha ai, maxhoranca do t’i rikthejë legjitimitetin parlamentit.
Pjesë nga fjala e Palokës në Parlament
“Dekriminalizim pa vullnet politik nuk ka, dhe Rama e ka treguar qartazi se nuk ka. Në seancën e fundit ndoqa deputetin Majko, që në pozicionin e deputetit të ndershëm u shfaq i revoltuar për ligjin.
I ndershmi Majko, duhet të revoltohej kur kryetari i tij mbushi administratën e tij më të inkriminuar. Majko e kushdo tjetër duhet të revoltohet për çdo të inkriminuar që sillet jo vetëm në parlament, po dhe në partinë e vetë.
Mos bëj si Blushi, Pandi se ai i merr urdhrat dhe porositë nga SHQUPI. Reago si qytetar i ndershëm kur kryetari jot ka gjakosur qytetarët. Ligji i deklriminalizimit synon të ndajë të pastrën nga e pista, edhe në rastin kur ‘partia vlen më shumë se Shqipëria.
Pas Koços vazhduan dhe të tjerët. Kushtetuesja ka në dorë që të gjykojë rastet e konfliktit të interesit. Në kushtet kur drejtësia është vënë në presionin e Ramës, Kushtetuesja është e vetmja zgjidhje. Kemi përmbysje totale të marrëveshje të dhjetorit, e realizuar pas një bojkoti të gjatë të opozitës. Ndaj, amendamentet tona nuk kanë asnjë synim tjetër, veçse rikthimin e legjitimitetit në parlament.
