Ka nisur në Gjykatën e Elbasanit seanca gjyqësore për të vendosur masën e sigurisë ndaj Sokol Mjacajt, i cili ditën e premte (15 dhjetor) vrau në qelinë e burgut Arben Lleshin dhe la të plagosur Indrit Shaqajn.
Siç shihet në pamjet e siguruara nga Tv Klan 28-vjeçari Mjacaj shoqërohet nga forca të shumta policie edhe në sallën e gjyqit.
Sot pritet të jepen masat e sigurisë edhe për 12 zyrtarët e burgut të Peqinit, të cilët u arrestuan pas krimit të rëndë.
Teksa është aluduar se vrasja ka të bëjë me një porositje nga jashtë në formë gjakmarrjeje, Mjacaj e ka mohuar para hetuesve, duke mos përmendur asnjë emër tjetër.
