Teksa ka nisur seanca në Kuvendin e Shqipërisë, jashtë tij po mbahet dhe një protestë nga opozita.
Policia është stacionuar para Kuvendit, për t’iu paraprirë çdo situate në protestë.
Ndërkohë në rend të ditës në Kuvend është mes të tjerash projektligji që i hap rrugën pagesës së punonjësve dhe ish-punonjësve të Kombinatit Mekanik të Poliçanit, ndërsa pritet të votohen dhe ngritja e dy komisioneve, ai për dezinformimin dhe kundër korrupsionit.
Kuvendi parashikon të diskutojë 13 pika në rendin e ditës, mes të cilave 5 janë projektligje.
