Ka nisur paraditen e sotme në orën 11:00 seanca gjyqësore ndaj Haradinajt në Colmar të Francës. Prokuroria e Beogradit për Krime Lufte do të prezantojë dosjen kundër ish-kryeministrit të Kosovës.
Haradinaj, sipas Prokurorisë serbe, dyshohet se ka kryer krime ndaj popullsisë civile, në qershore të 1999-s, pasi NATO kishte intervenuar në Kosovë, shkruan Gazeta Express.
Pas seancës së sotme, ku do të prezantohet dosja e Serbisë ndaj ish-komandantit të UÇK-së për Zonën e Dukagjinit, javën tjetër pritet të jepet vendimi.
Kreu i AAK-së ndodhet në Francë, i liruar me kusht, pasi u arrestua në aeroportin e Bazelit, më 4 janar të këtij viti, në bazë të një urdhërarresti ndërkombëtar të lëshuar nga Serbia nga viti 2004. Intervista/ Haradinaj: Pres të lirohem më 9 shkurt
