Një grup protestuesish janë mbledhur në këto momente përpara Ministrisë së Brendshme në ditën e dytë të reagimit për vrasjen e 25-vjeçarit Klodian Rasha.
Ndryshe nga një ditë më parë, policia ka krijuar një gardh që nuk lejon afrimin e protestuesve pranë godinës, ndërsa shihet që në rreshtin e parë të tij janë të vendosur oficerë policie me uniformë të thjeshtë dhe jo me pajisje speciale. Ndërkohë që forcat e ndërhyrjes së shpejtë janë në gatishmëri në pjesën anësore të gardhit.
Sikurse është raportuar rreth 800 efektivë janë sot në terren për të mbajtur nën kontroll situatën./ Opinion.al
