Kombëtarja shqiptare e futbollit po luan sot në 20:45 kundër Moldavisë në “Air Albania”.
Sfida është e vlefshme për grupin E kualifikues të Evropianit 2024, teksa janë shitur të gjitha biletat për mbrëmjen e sotme.
Disa minuta para nisjes së sfidës impianti sportiv është mbushur nga tifozët, të cilët kanë gjetur momentin edhe për t’u solidarizuar me Kosovën në periudhën e vështirë që po kalon.
Atmosfera fantastike është shoqëruar me këngë patriotike dhe mbështetje për djemtë e Kombëtares.
Formacionet zyrtare u publikuan nga trajneri Sylvinho. Të dy trajnerët kanë vendosur për titullarët, të cilët do zbresin në fushë, në “Air Albania”.
Kuqezinjtë e Silvinjos vijnë në këtë takim pas humbjes me Poloninë në ndeshjen e parë. Në krahun tjetër, moldavët kanë marrë dy pikë në dy ndeshje.
Shqipëria: Strakosha, Hysaj, Ismajli, Gjimshiti, Mitaj, Ramadani, Bare, Asani, Bajrami, Uzuni, Cikalleshi
Kuqezinjtë synojnë kualifikimin në fazën finale të Kampionatit Europian 2024 dhe ndonëse skuadra humbi ndeshjen e parë të grupit përballë favoritëve të Polonisë, loja dhe paraqitja e Shqipërisë në fushë dha shumë shpresë./Opinion.al
