Operacioni i evakuimit në qytetin sirian të Aleppos, tashmë ka nisur raporton BBC, e cila u referohet zyrtarëve të Kryqit të Kuq.
ICRC-ja është duke transportuar jashtë zonës së luftimeve 200 persona të plagosur. Një flotë e ambulancave dhe autobusëve është parë të niset nga zonat lindore. Luftëtarë dhe civilë po ikin pas një marrëveshje armëpushimi që u arrit të mërkurën në darkë.
Forcat qeveritare të Assad me ndihmën e Rusisë morën pothuajse të gjitha pjesët e mbetura të Alepos gjatë kësaj jave, pas 4 vjet luftime.
Televizioni shtetëror informoi se 4,000 rebelë dhe familjet e tyre do të evakuohen nga rrethinat e zonës lindore. Qendra ruse në Siri, pjesë e ministrisë së Mbrojtjes ruse tha se autoritetet siriane kanë garantuar sigurinë e të gjithë luftëtarëve që kanë vendosur të largohen nga Aleppo. /Opinion.al
*Një i plagosur duke u transportuar me ambulance
*Në video autokolona e ambulancave që merr të plagosurit
