Kryetarja e Kuvendit Lindita Nikolla ka pritur ditën e sotme në një takim zyrtar ambasadorin e Bashkimit Europian Luigi Soreca.
Bëhet me dije se Nikolla është shprehur se integrimi evropian është në krye të agjendës së Kuvendit, teksa nga ana tjetër Soreca ka konfirmuar se Shqipëria i ka plotësuar të gjitha kushtet për nisjen e bisedimeve.
“Unë jam e përkushtuar për të krijuar një klimë të re bashkëpunimi e komunikimi në Kuvendin e Shqipërisë. Integrimi europian do të jetë në krye të agjendës së Kuvendit të Shqipërisë gjatë legjislaturës së re. Kam besim se për të gjithë këto punë të mëdha që na presin, do të kemi edhe bashkëpunimin e opozitës dhe unë do të jem lehtësuesja e dialogut dhe komunikimit në Kuvend.”, nënvizoi Lindita Nikolla.
Gjithashtu Soreca është shprehur se ka besim në përvojnë dhe kredibilitetin e Lindita Nikollës./Opinion.al
