Mëngjesin e sotëm, tetë prokurorët e SPAK-ut u betuan para presidentit Ilir Meta. Ndërkohë, lidhur me ngritjen e SPAK, ka ardhur dhe reagimi i Partisë Demokratike.
Në këtë reagim thuhet se kjo parti mbështet funksionimin e pavarur të kësaj strukture, ndërsa shton se duhet nisur fillimi i ndëshkimit i krimit të organizuar dhe korrupsionit duhet të bëhet në mënyrë profesionale, të paanshme dhe të vendosur.
PD thekson se ka dhënë besimin ndaj prokurorëve të SPAK dhe për këtë arsye nuk mund të paragjykojë asnjë prej tyre, por shton se ka rezerva në lidhje me disa vendime të tyre në të shkruarën.
PD deklaron gjithashtu se është koha që prokurorët të ngrihen në lartësinë e detyrës dhe të përmbushin pritshmërinë e qytetarëve shqiptarë për t’i dhënë fund pandëshkueshmërisë së krimit të organizuar, promovuesve të kriminelëve në politikë dhe zyrtarëve të korruptuar.
Shqipëria ka një shans të ri dhe real për të luftuar krimin e organizuar dhe korrupsionin në nivelet më të larta, nga kriminelët me mbështetje qeveritare, tek politikanët dhe zyrtarët e lartë./ Opinion.al
