Ndërsa mori pjesë në ceremoninë e ndezjes së qirinjve për policin Afrim Bunjaku, i vrarë nga një sulm terrorist nga persona ende të paidentifikuar, Kryeministri i Kosovës Albin Kurti, i quajti ata një “formacion profesionist”.
“Nga ato çfarë kemi mësuar deri më tani, janë ato që i kemi menduar edhe më herët. Bëhet fjalë për një formacion terrorist e kriminal, profesionist, i cili e ka planifikuar dhe përgatitur gjatë këtë çfarë ka kryer sot. Nuk paraqet një bandë të kontrabandës, por një strukturë mercenare, e cila është e përkrahur politikisht, financiarisht e logjistikisht nga Beogradi zyrtar”, u shpreh Kurti në një deklaratë për mediat, ndërsa më herët kishte pohuar se nga të dhënat e deritanishme, besohej se ky grupim e kishte planifikuar gjatë ngjarjen e sotme.
Kujtojmë gjithashtu që ky reagim i Kryeministrit Kurti vjen pas deklaratave të presidentit Vuçiç se personat që shkaktuan ngjarjet kriminale nuk vijnë nga Serbia, por nga komuniteti I zonës. Në tonë aggressive, Vuçiç tha se nuk ta njohin kurrë Kosovën e pavarur./Opinion.al
