Një ngjarje e rëndë ka ndodhur mbrëmjen e kësaj të premte në Vlorë, ku një nënë rreth moshës 35-vjeç ka përplasur disa herë në tokë foshnjën e saj 5-muajshe.
35-vjeçarja mësohet se ka qenë në gjendje të dehur dhe ka kundërshtuar me forcë policinë në momentin që ka ndërhyrë.
Nëna e fëmijës është shoqëruar në polici dhe bëhet me dije se ajo është e divorcuar.
“Një ngjarje e rëndë ka ndodhur pak çaste më parë në lagjen “Pavarësia” të Vlorës, ku një grua rreth 35 vjeçe, në gjendje të dehur, ka përplasur disa herë në tokë foshnjën e saj 5-muajshe.
Forcat e policisë kanë ndërhyrë menjëherë për t’i marrë fëmijën, por nëna ka kundërshtuar me forcë. Foshnja është dërguar në spital për kontrolle mjekësore dhe, sipas policisë, nuk ka dëmtime të dukshme. Megjithatë, po i bëhet një skaner për të vlerësuar gjendjen e organeve të brendshme.
Ndërkohë, nëna e fëmijës është shoqëruar në polici dhe po merret në pyetje. Burime bëjnë me dije se ajo është e divorcuar”, thuhet në njoftimin e policisë.
